ඓතිහාසික මහනුවර ඇසළ මහ පෙරහැර මංගල්‍යය – 𝟐𝟎𝟐𝟐 සඳහා පීපල්ස් ලීසිං සමාගම ද සිය අනුග්‍රාහකත්වය දක්වයි
පීපල්ස් ලීසිං ඇන්ඩ් ෆිනෑන්ස් පීඑල්සී සමාගම (පීපල්ස් ලීසිං*, ශ්‍රී ලංකාවේ අග්‍රගන්‍යය හා ඓතිහාසික වටිනාකමකින් සමන්විත උත්සවයක් වන ”කන්ද උඩරට ඇසළ පෙරහැර මංගල්‍යය” සඳහා අනුග්‍රාහකත්වයක් පසුගියදා පිරිනැමීය. පිපල්ස් ලීසිං සමාගම වසර ගණනාවක සිට ශ්‍රී දළදා පෙරහැර සඳහා සිය අනුග්‍රාහක දායකත්වය සපයයි.
රාජ්‍ය බැංකුවක් වන මහජන බැංකුවට අනුබද්ධිත ශ්‍රී ලංකාවේ ප්‍රමුඛ පෙළේ බැංකු නොවන මූල්‍ය ආයතනයක් (NBFI) වන පීපල්ස් ලීසිං සමාගම විශේෂිත ලීසිං සමාගමක් ලෙස වර්ෂ 1996 දී සිය මෙහෙයුම් කටයුතු ආරම්භ කරමින් 2011 වසරේ දී කොළඹ කොටස් වෙළෙඳපොළේ ලැයිස්තුගත විය. පීපල්ස් ලීසිං සමාගම , බංග්ලාදේශයේ විදේශීය ව්‍යාපාරයක් ඇතුළුව අනුබද්ධිත ක්ෂේත‍්‍ර හයක් සමඟ විවිධාංගීකරණය වූ බැංකු නොවන මූල්‍ය බලවතෙක් දක්වා වර්ධනය වී ඇත.
පීපල්ස් ලීසිං සමාගමෙහි ප්‍රධාන කළමනාකරු (ණය අය කර ගැනීම් – මධ්‍යම කලාපය) සමන් ලියනගේ මහතා විසින් ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා වෙත අනුග්‍රාහක ලිපිය පිරිනමන අවස්ථාව, මේ අවස්ථාවට පීපල්ස් ලීසිං මහනුවර ශාඛාවේ ශාඛා කළමනාකරු සේනක මුණසිංහ මහතා ද එක් විය.