පීපල්ස් ලීසිං සමාගම සේරුවිල දරුවන්ගේ පාසල් ප්‍රවාහන පහසුකම සදහා මගී ප්‍රවාහන බස් රථයක් පිරිනමයි


පීපල්ස් ලීසිං සමාගමේ පූර්ණ මූල්‍ය අනුග‍්‍රාහකත්වය යටතේ සේරුවිල ප‍්‍රජා සංවර්ධන පදනමට මගී ප‍්‍රවාහන බස් රථයක් පරිත්‍යාග කිරිම 2022 සැප්තැම්බර් මස 06 වන දින පිපල්ස් ලීසිං ප‍්‍රධාන කාර්යාල පරිශ‍්‍රයේ දී සිදුකෙරිණි.

සේරුවිල ප‍්‍රදේශය අවට සිටින පාසල් සිසුන්ට නොමිලේ ප‍්‍රවාහන පහසුකම් සපයා දීමේ අරමුණින් නව බස් රථයක් මිළදී ගැනිමට සේරුවිල මංගල රජමහා විහාරස්ථානයේ විහාරාධිපති සහ සේරුවිල ප‍්‍රජා සංවර්ධන පදනමේ සභාපති පූජ්‍ය අළුදෙණියේ සුබෝධි ස්වාමීන්වහන්සේ විසින් පීපල්ස් ලීසිං සමාගමෙන් කරන ලද ඉල්ලීමකට ප‍්‍රතිචාර ලෙස මෙම පුණ්‍ය කටයුත්ත සමාගමේ සමාජ සත්කාරක ව්‍යාපෘතියක් ලෙස දියත් විය.

මෙම බස් රථය සේරුවිල ප‍්‍රජා සංවර්ධන පදනමේ සභාපති පූජ්‍ය අළුදෙණියේ සුබෝධි ස්වාමීන්වහන්සේට පීපල්ස් ලීසිං සමාගමේ හිටපු සභාපති සුජිව රාජපක්‍ෂ මහතා සහ ප‍්‍රධාන විධායක නිළධාරි/ සාමාන්‍යාධිකාරි ෂමීන්ද්‍ර මර්සිලිං මහතා විසින් නිළ වශයෙන් ප‍්‍රදානය කරන ලදී.

බස් රථය ප‍්‍රදානය කිරිමේ උත්සවයේ අනුශාසක කථාව සිදු කරමින් පූජ්‍ය අළුදෙණියේ සුබෝධි ස්වාමීන්වහන්සේ පවසා සිටියේ සේරුවිල සුමේධංකරපුර, කාවන්තිස්සපුර,බ්ලොක් සී, සේරුනුවර, සෝමාවතිය පාර සහ මහවැලිගම යන ගම්මාන වල පවතින වන අලි තර්ජන නිසා ආරක්ෂාකාරීව පාසල් යාමේ අභියෝගයට ළමුන් මුහුණදෙන බවත් එයට විසදුමක් ලෙස දරුවන්ට නොමිලේ ප‍්‍රවාහන පහසුකම ලබා දීමට අවශ්‍ය බස් රථයක් මිළ දී ගැනීම සඳහා පීපල්ස් ලීසිං සමාගමෙන් සිදුකළ ඉල්ලීමට ක්ෂණික ප‍්‍රතිචාරයක් විදියට අප ප‍්‍රදේශයේ දරුවන්ට නොමිලේ බස් රථයක් ලබා දීම වෙනුවෙන් පීපල්ස් ලීසිං සමාගමේ හිටපු සභාපති සුජිව රාජපක්‍ෂ මහතා සහ ප‍්‍රධාන විධායක නිළධාරි/ සාමාන්‍යාධිකාරි ෂමීන්ද්‍ර මර්සිලිං මහතා ඇතුළු සමස්ථ කාර්යය මණ්ඩලයේ සියළු දෙනාට සේරුවිල ප‍්‍රජා සංවර්ධන පදනම සහ ප‍්‍රදේශවාසීන්ගේ කෘතවේදීත්වය පල කරන බවයි.

මෙම උදාරතර කටයුත්ත පීපල්ස් ලීසිං සමාගමේ සමාජ සත්කාරක ව්‍යාපෘතියක් ලෙස සිදුකිරිමට හැකිවීම පිළිබඳව අප සමාගම ඉතා සතුටට පත්වන බවත් මෙම මගී ප‍්‍රවාහන බස් රථය සේරුවිල ප‍්‍රදේශවාසී දුවා දරුවන්ට ලැබුණු ධනයක් ‍සේ සළකා එය ඉතා ආරක්ෂාකාරීව පරිහරණය කර ඉදිරි පරපුරටත් දායාද කිරිම ඔබගේ වගකීම බව උත්සවය ඇමතු පීපල්ස් ලීසිං සමාගමේ හිටපු සභාපති සුජිව රාජපක්‍ෂ මහතා සදහන් කළේය.

එම උත්සව අවස්ථාවට පීපල්ස් ලීසිං සමාගමේ ජ්‍යෙෂ්ඨ කළමනාකාරීත්වය, මහා මාර්ග සංවර්ධන අධිකාරියේ සභාපති චමින්ද අතළුවගේ මහතා, කන්තලේ කලාප අධ්‍යාපන අධ්‍යක්‍ෂ ධර්මතිලක මහතා, සේරුවිල ප‍්‍රජා සංවර්ධන පදනමේ නියෝජිතයන්, සේරුවිල මංගල මහ චෛත්‍යවර්ධන සමිතියේ නියෝජිතයන්, සේරුවිල මංගල රජමහා විහාරස්ථානයේ දායකාදීන් සහ සේරුවිල මහා විද්‍යාලයේ විදුහල්පති, ගුරුවරු ඇතුළු සිසුදරුවන් සහභාගි විය. මෙහීදි පැමිණ සිටි සේරුවිල මහා විද්‍යාලයේ සිසු දරුවන් සඳහා පාසල් උපකරණ ප‍‍්‍රදානය කිරිමක් ද සිදුවිය.

පීපල්ස් ලීසිං සමාගම යනු ශී‍්‍ර ලංකාවේ ප‍්‍රමුඛ පෙළේ බැංකු නොවන මුදල් ආයතනයක් වන අතර ප‍්‍රමුඛ රාජ්‍ය බැංකුවක් වන මහජන බැංකුවට අනුබද්ධිත මුදල් ආයතනයකි. විශේෂිත ලීසිං සමාගමක් ලෙස වර්ෂ 1996 දී මෙහෙයුම් කටයුතු ආරම්භ කළ පීපල්ස් ලීසිං සමාගම 2011 වසරේ කොළඹ කොටස් වෙළඳපලේ ලැයිස්තුගත විය. පීපල්ස් ලීසිං සමාගම බංග්ලාදේශයේ විදේශීය ව්‍යාපාරයක් ඇතුළු අනුබද්ධිත ක්ෂේත‍්‍ර හයක් හරහා විවිධාංගීකරණය වු බැංකු නොවන මූල්‍ය බලවතෙක් දක්වා වර්ධනය වී ඇත.

පීපල්ස් ලීසිං සමාගමේ හිටපු සභාපති සුජිව රාජපක්‍ෂ මහතා සහ ප‍්‍රධාන විධායක නිළධාරි/ සාමාන්‍යාධිකාරි ෂමීන්ද්‍ර මර්සිලිං මහතා විසින් පූජ්‍ය අළුදෙණියේ සුබෝධි ස්වාමීන්වහන්සේට නිළ වශයෙන් බස් රථය ප‍්‍රදානය කිරිමේ අවස්ථාව හා පසෙකින් ජ්‍යෙෂ්ඨ කළමනාකාරීත්වය ද සේරුවිල සිසු දරුවන් ද වෙති.